🟨 अल्ट्राटेक प्रशासनाविरुद्ध पुन्हा एकदा ठिय्या आंदोलन

लोकदर्शन👉मोहन भारती

कोरपना तालुक्यातील मौजा पालगांव येथील ग्रामस्थांनी पुन्हा एकदा अल्ट्राटेक सिमेंट कंपनीच्या आवाळपूर प्लांट गेटसमोर ठिय्या आंदोलन छेडले आहे. कंपनीकडे जाणाऱ्या मुख्य रस्त्याच्या दुरुस्तीची व डांबरीकरणाची मागणी मागील अनेक वर्षांपासून केली जात असूनही कंपनी प्रशासनाने अद्याप ठोस पावले उचललेली नाहीत.

गेल्या ५ ते ७ मे २०२५ दरम्यान याच मागणीसाठी ग्रामस्थांनी आंदोलन केले होते. त्यावेळी अल्ट्राटेक कंपनीने ३० मे पर्यंत रस्ता दुरुस्तीचे लेखी आश्वासन दिले होते. मात्र, ठरलेली मुदत उलटूनही कोणतीही कामगिरी न झाल्याने ग्रामस्थांमध्ये तीव्र नाराजी आहे.

या पार्श्वभूमीवर आज सकाळपासून पुन्हा एकदा ग्रामस्थांनी आंदोलन सुरू केले असून आंदोलनस्थळी आमदार देवराव भोंगळे यांनी स्वतः हजेरी लावत ग्रामस्थांचा संवाद साधला. त्यांनी स्पष्ट शब्दात सांगितले की, “अल्ट्राटेक कंपनीने ग्रामस्थांचा अंत पाहू नये. अन्यथा पालगांव वासीयांची एकजूट कंपनीसाठी महागात पडेल.”

आंदोलनाला आमदार भोंगळे यांनी पूर्ण समर्थन दर्शवले असून, त्यांनी ग्रामस्थांच्या भावना आणि मागण्यांशी एकात्मता व्यक्त केली.

या ठिकाणी भाजपा जिल्हा महामंत्री विवेक बोढे, तालुकाध्यक्ष संजय मुसळे, तालुका महामंत्री सतीश उपलेंचवार, सरपंच अरुण रागीट यांच्यासह अरुण मडावी, अरुण डोहे, विजयलक्ष्मी डोहे, विनोद नरेन्दुलवार, प्रमोद कोडापे, अमोल आसेकर, आशिष ताजने, अबरार अली, ओम पवार, संजय नित, दिनेश सुर, राकेश बोटपल्ले, बाबाभिम उपरे, सतीश जमदाडे, रवी बंडीवार, बाळा संकुलवार, पांडुरंग रागीट व अन्य ग्रामस्थ मोठ्या संख्येने उपस्थित होते.

✍️ प्रतिनिधी – लोकदर्शन न्यूज