📰 महात्मा गांधी विज्ञान महाविद्यालयात “अप्रेंटिसशिप एम्बेडेड डिग्री प्रोग्रॅम” वर कार्यशाळा 🌟 कुलगुरू डॉ. प्रशांत बोकारे यांच्या प्रमुख उपस्थितीत कार्यक्रम 🌟

लोकदर्शन 👉मोहन भारती

गडचांदूर 22जून –
नवीन शैक्षणिक धोरण (NEP 2020) अंतर्गत विद्यार्थ्यांच्या कौशल्यविकास आणि रोजगारक्षमतेसाठी “अप्रेंटिसशिप एम्बेडेड डिग्री प्रोग्रॅम” यासारख्या अभिनव संकल्पनांना चालना देण्याचे उद्दिष्ट ठेवण्यात आले आहे. विद्यापीठ अनुदान आयोगाने 2025 पासून या संकल्पनेच्या अंमलबजावणीस मंजुरी दिली असून, याच पार्श्वभूमीवर गोंडवाना विद्यापीठ, गडचिरोली यांच्या वतीने महात्मा गांधी विज्ञान महाविद्यालय, गडचांदूर येथे या विषयावर एकदिवसीय कार्यशाळा आयोजित करण्यात आली.

या कार्यशाळेच्या अध्यक्षस्थानी गोंडवाना विद्यापीठाचे कुलगुरू डॉ. प्रशांत बोकारे होते. कार्यक्रमाला औद्योगिक क्षेत्रातील मान्यवर प्रतिनिधी तसेच विद्यापीठाचे वरिष्ठ अधिकारी आणि महाविद्यालयीन प्राध्यापकांची मोठी उपस्थिती होती.

औद्योगिक क्षेत्रातर्फे अल्ट्राटेक सिमेंट वर्क्स चे एच.आर. आणि माणिकगड सिमेंट युनिट हेड श्री. मुकेश गहलोत, अंबुजा सिमेंटचे श्री. प्रमोद खडसे, तसेच संस्थेचे सचिव धनंजय गोरे, व्यवस्थापन परिषदेचे सदस्य डॉ. संजय गोरे, ननावसाचे संचालक डॉ. मनीष उत्तरवार, प्राचार्य डॉ. शैलेंद्र देव, डॉ. संजय सिंग यांच्यासह अनेक मान्यवर उपस्थित होते.

कार्यक्रमात बोलताना डॉ. बोकारे म्हणाले, “अप्रेंटिस एम्बेडेड डिग्री प्रोग्रॅम म्हणजे केवळ सैद्धांतिक शिक्षण नव्हे, तर प्रत्यक्ष उद्योगामध्ये काम करण्याचा अनुभव विद्यार्थ्यांना देणारा अभ्यासक्रम आहे. यामुळे विद्यार्थ्यांमध्ये व्यवसायोपयोगी कौशल्यांचा विकास होतो, आत्मविश्वास वाढतो आणि रोजगार संधींमध्ये वृद्धी होते.”

डॉ. मनीष उत्तरवार यांनी पॉवर पॉइंट प्रेझेंटेशनच्या माध्यमातून कार्यक्रमाची संकल्पना, उद्दिष्टे, प्रशिक्षण कालावधी, क्रेडिट प्रणाली, त्रिपक्षीय करार, मानधन तरतुदी, तसेच सहभागी घटकांची भूमिका स्पष्ट केली.

या कार्यक्रमास महाविद्यालयाचे प्राध्यापक डॉ. पटले, डॉ. मुन, तसेच इतर शिक्षक व कर्मचारी मोठ्या संख्येने उपस्थित होते.

कार्यशाळेमुळे नवीन शैक्षणिक धोरणाच्या अंमलबजावणीत गती मिळणार असून, विद्यार्थ्यांना रोजगारक्षमतेसाठी एक सशक्त प्लॅटफॉर्म उपलब्ध होणार असल्याचे प्रतिपादन सहभागी मान्यवरांनी केले.

✍️ लोकदर्शन न्यूज पोर्टल
(आपली बातमी, आपल्या हक्काची!)

–