🔴 गरजू फेरीवाल्यांना दिलासा! आ. सुधीर मुनगंटीवार यांच्या सहकार्यातून छत्र्या व सोलर दिव्यांचे वितरण

लोकदर्शन न्यूज पोर्टल👉
✍️ मोहन भारती

बल्लारपूर – राज्याचे माजी वने व सांस्कृतिक कार्यमंत्री तथा बल्लारपूरचे आमदार श्री. सुधीर मुनगंटीवार यांच्या सहकार्यातून, दरवर्षीप्रमाणे यंदाही सामाजिक बांधिलकी जपत गरजू फेरीवाल्यांना मदतीचा हात पुढे करण्यात आला आहे.

उन्हात व पावसात रस्त्याच्या कडेला बसून व्यवसाय करणाऱ्या फेरीवाल्यांना, लघुउद्योग व्यावसायिकांना तसेच छोट्या विक्रेत्यांना यंदाही छत्र्या आणि सोलर दिव्यांचे मोफत वितरण करण्यात आले.

या उपक्रमामुळे दिवसभर प्रतिकूल हवामानात काम करणाऱ्या व्यावसायिकांना मोठा दिलासा मिळाला असून, त्यांनी आ. सुधीर मुनगंटीवार यांचे मन:पूर्वक आभार मानले आहेत.

सामाजिक भान व संवेदना जपणारा उपक्रम म्हणून या कार्याची सर्वत्र प्रशंसा होत असून, भविष्यातही अशा स्वरूपाचे उपक्रम सुरू ठेवावे, अशी मागणी स्थानिक पातळीवरून होत आहे.

📌 अधिक माहितीसाठी वाचत राहा – लोकदर्शन न्यूज पोर्टल
✍️ मोहन भारती