🟢 गडचांदूरमध्ये प्रहार जनशक्ती पक्षाचं शोले आंदोलन ♦️बच्चूभाऊ कडू यांना पाठिंबा, सरकारविरुद्ध संतप्त आवाज!

लोकदर्शन गडचांदुर👉मोहन भारती

गडचांदूर (ता. कोरपना) :
दिव्यांगांचे दैवत व शेतकऱ्यांचे कैवारी माननीय बच्चूभाऊ कडू साहेब गेल्या ८ जूनपासून मोझरी येथे दिव्यांगांना दरमहा ₹६,००० पेन्शन व शेतकऱ्यांचा कर्जमाफीसाठी उतारा कोरा करण्याच्या मागणीसाठी बेमुदत अन्नत्याग आंदोलनात बसले आहेत. आज आंदोलनाचा सहावा दिवस असूनही सरकारकडून कुठलाही ठोस प्रतिसाद मिळालेला नाही.

बच्चूभाऊंची तब्येत दिवसेंदिवस खालावत चालली असून या पार्श्वभूमीवर संपूर्ण महाराष्ट्रातून दिव्यांग व शेतकरी बांधवांमध्ये तीव्र संतापाचे वातावरण निर्माण झाले आहे.

या आंदोलनाला पाठिंबा देण्यासाठी आज प्रहार जनशक्ती पक्षाचे गडचांदूरमधील कार्यकर्ते आणि पदाधिकारी यांनी “शोले आंदोलन” छेडले. सरकारला जाग येईपर्यंत आंदोलन तीव्र करण्यात येईल, असा इशारा कार्यकर्त्यांनी दिला आहे.

कार्यकर्त्यांनी ठणकावून सांगितले की, “जर सरकारने वेळेत निर्णय घेतला नाही आणि बच्चूभाऊंच्या तब्येतीवर परिणाम झाला, तर संपूर्ण राज्यात तीव्र आंदोलन उभं करण्यात येईल.”

या वेळी गडचांदूर शहरात ठिकठिकाणी घोषणाबाजी करत जनजागृतीही करण्यात आली. शासनाच्या उदासीनतेविरोधात लोकांमध्ये असंतोष वाढतो आहे.

➡️ बच्चूभाऊंच्या आंदोलनाला लोकसमर्थन वाढत असून, शासनाने याकडे तात्काळ लक्ष द्यावे, अशी जोरदार मागणी करण्यात येत आहे.

🖊️ लोकदर्शन न्यूज साठी
✍️ मोहन भारती