🕌 ईद-उल-अजहा गडचांदुरात उत्साहात संपन्न! सामाजिक ऐक्य, शांतता आणि नियमांचे पालन यांचे दर्शन

लोकदर्शन 👉 शिवाजी सेलोकर

गडचांदुर (दि. ७) :
त्याग, एकता आणि श्रद्धेचा सण म्हणून ओळखला जाणारा ईद-उल-अजहा आज गडचांदुरात अत्यंत उत्साहात आणि शांततेच्या वातावरणात साजरा करण्यात आला.

मौलाना तहसीन रजा यांनी सर्वांना ईदच्या शुभेच्छा देतानाच शांतता, बंधुभाव आणि शासन नियमांचे काटेकोर पालन करत सण साजरा करण्याचे मार्गदर्शन दिले. त्यांच्या या आवाहनाला प्रतिसाद देत संपूर्ण शहरात ईद अत्यंत शिस्तबद्धतेने पार पडली.

ईदगाह मैदान, मदिना मस्जिद आणि महम्मदिया मस्जिद या ठिकाणी नमाज अदा करण्यात आली. या वेळी हाजी कादर शेठ, हाजी शब्बीर धाखवला, हाजी मुनाफ खालू, हाजी वसिम ठाकेदार, हाजी हनिफ मावडिया, हाजी सलीम किडिया, रफिक निजामी यांच्यासह नागरिक मोठ्या संख्येने उपस्थित होते.

माणिकगड माईन्स व अंबुजा कंपनीचे कामगार तसेच काठाला, बखर्डी, लखमापूर व नंदा बीबी येथूनही अनेक भाविक गडचांदुरात आले होते. सर्वत्र आनंदाचे वातावरण पाहायला मिळाले.

भाजपचे सतीश उपलंचीवर आणि नीलेश ताजने यांनी उपस्थितांना आलिंगन देत ईदच्या शुभेच्छा दिल्या. तर ठाणेदार साहेबांच्या नेतृत्वाखाली पोलिस बंदोबस्त चोख ठेवण्यात आला होता.

शहरात शांतता, सौहार्द आणि अनुशासनाने भरलेला हा सण समाजातील ऐक्याचे प्रतिक ठरला.

—