📰 वटविवाह उत्साहात संपन्न 📍 चंद्रपूर, वेंडली

✍️ लोकदर्शन 👉 मोहन भारती

गावातील सामाजिक सलोखा आणि धार्मिक परंपरेचा ठेवा जपणाऱ्या वेंडली गावात गुरुदेव सेवा मंडळ तसेच महिला मंडळ वेंडली यांच्या संयुक्त विद्यमाने वटवृक्षाचा विवाह अत्यंत उत्साहात साजरा करण्यात आला.

गुरुदेव सेवा मंडळाच्या प्रांगणात उभारण्यात आलेल्या वडाच्या झाडाचा विवाह पारंपरिक विधींसह संपन्न झाला. या विवाहासाठी आंतरपाट धरून वडाच्या झाडाला हळद, कुंकू, फुले, अक्षता, नैवेद्य व पूजेचे इतर साहित्य अर्पण करण्यात आले. भजनाच्या गजरात मंगलाष्टके म्हटली गेली व परिसर भक्तिमय वातावरणाने भारून गेला.

स्थानिक आख्यायिकेनुसार, जोपर्यंत वटवृक्षाचा विवाह होत नाही, तोपर्यंत वटपौर्णिमेच्या दिवशी वडाची पूजा पूर्ण होत नाही – यामुळे गावकऱ्यांनी हा विवाह विशेष उत्साहात साजरा केला. यानंतर सर्वांना महाप्रसाद वाटप करून धार्मिक सौहार्दाचा संगम साधण्यात आला.

या कार्यक्रमाला सरपंच प्रतिभा अलवलवार, पोलीस पाटील संजय टोंगे, उपसरपंच राजकुमार नागपुरे, गुरुदेव सेवा मंडळ अध्यक्ष श्रीरंग वरारकर, डॉ. नंदकिशोर मैंदळकर, रवींद्र पिंपळशेंडे, ज्ञानेश्वर देवळकर, प्रभाकर पाचभाई, शंकर देवाळकर, भोजराज परशुटकर, शंकर कोट्टे, नंदा पिंपळशेंडे, उषा नागरकर, वर्षा मोहितकर, मंगला पिंपळकर, इंदू देवाळकर, पंचफुला चालूकर, वर्षा पिंपळशेंडे, विद्या गोरे, नंदा वरारकर, संगीता देवाळकर, सुनिता पिंपळशेंडे, मंजुळा देवाळकर, राजश्री पिंपळशेंडे, मोरेश्वर चालुरकर, ऋषी खडतकर, गणपत चालुरकर, कमलाकर देवाडकर, गजानन नागपुरे, मारुती देवळकर, बाळा चालुरकर, गोवर्धन पिंपळशेंडे, आनंदराव पिंपळशेंडे, परशुराम गोरे, राजू नागपुरे, सीमा पिंपळशेंडे, जिजाबाई झाडे, अनिता चौधरी यांच्यासह ग्रामस्थ मोठ्या संख्येने उपस्थित होते.

वटविवाहामुळे गावात अध्यात्मिक चैतन्याचे वातावरण निर्माण झाले असून, महिलावर्गाने या उपक्रमात घेतलेला पुढाकार निश्चितच कौतुकास्पद आहे.

—